പതിവ് പ്രണയകഥകളിൽ നിന്ന് വ്യത്യസ്തമായ ചലച്ചിത്രം; 'സീതാരാമ'ത്തെ അഭിനന്ദിച്ച് മുൻരാഷ്ട്രപതി
ദുൽഖർ സൽമാൻ നായകനായ തെലുങ്ക് ചിത്രം 'സീതാ രാമം' ഒന്നിലധികം കാരണങ്ങളാൽ വാർത്തയാകുകയാണ്. ബോക്‌സ് ഓഫീസിൽ മികച്ച പ്രകടനം കാഴ്ചവെച്ചതിന് പുറമെ വിവിധ കോണുകളിൽ നിന്ന് നിരൂപക പ്രശംസയും ചിത്രം ഏറ്റുവാങ്ങുന്നുണ്ട്.
ബുധനാഴ്ച സിനിമ കണ്ട മുൻ ഉപരാഷ്ട്രപതി എം. വെങ്കയ്യ നായിഡു സോഷ്യൽ മീഡിയയിൽ തന്റെ ചിന്തകൾ പ്രകടിപ്പിച്ചു.
"സീതാരാമം' എന്ന സിനിമ കണ്ടു. സാങ്കേതിക വൈദഗ്ധ്യവും മികച്ച അഭിനയ പ്രകടനവും സ്‌ക്രീനിൽ ദൃശ്യകാവ്യമായി പ്രകടമാകാൻ ഒരുമിച്ചു. പതിവ് പ്രണയകഥകളിൽ നിന്ന് വ്യത്യസ്തമായി, വികാരങ്ങളുടെ ബാഹുല്യത്തിലേക്ക് നയിക്കുന്ന ധീരനായ ഒരു പട്ടാളക്കാരനാണ് ഈ സിനിമയിലുള്ളത്. എല്ലാവരും സിനിമ കാണുക,” നായിഡു തെലുങ്കിൽ ട്വീറ്റ് ചെയ്തു.
ശല്യപ്പെടുത്തുന്ന ശബ്ദങ്ങളില്ലാത്ത, കണ്ണിന് ഇമ്പമുള്ള ദൃശ്യങ്ങൾ നിറഞ്ഞ ഒരു സിനിമയുമായി പുറത്തിറങ്ങിയതിന് സംവിധായകൻ ഹനു രാഘവപുടിയെയും നിർമ്മാതാവ് അശ്വിനി ദത്തിനെയും അദ്ദേഹത്തിന്റെ സ്വപ്ന മൂവി മേക്കേഴ്‌സ് ടീമിനെയും അദ്ദേഹം അഭിനന്ദിച്ചു.
അടുത്ത കാലത്തായി തുടർച്ചയായി ബോക്‌സ് ഓഫീസ് ദുരന്തങ്ങളിൽ വലയുന്ന ടോളിവുഡിന് ആശ്വാസമായിരിക്കുകയാണ് ഓഗസ്റ്റ് 5 ന് റിലീസ് ചെയ്ത 'സീതാ രാമം'. യുദ്ധത്തിന്റെ പശ്ചാത്തലത്തിലുള്ള റൊമാന്റിക് ഡ്രാമ, ദുൽഖർ സൽമാൻ അവതരിപ്പിക്കുന്ന ഒരു സൈനികനും മൃണാൽ താക്കൂർ അവതരിപ്പിക്കുന്ന നായികയും തമ്മിലുള്ള പ്രണയകഥയെ പിന്തുടരുന്നു. അഫ്രീൻ എന്ന കഥാപാത്രത്തെയാണ് രശ്മിക മന്ദന അവതരിപ്പിക്കുന്നത്. അറുപതുകൾക്കും എൺപതുകൾക്കും ഇടയിലുള്ള കാലഘട്ടമാണ് കഥ.
