'സ്വപ്‌നങ്ങൾ പൂക്കുന്ന കാടിന്റെ' ഫസ്റ്റ് ലുക്ക് പോസ്റ്ററും ട്രെയ്‌ലറും
https://www.youtube.com/watch?v=Y4QisS9v9hs&list=PL7DqxSdmmShHEQREwpQVEG4iWO8zVMUluസോഹൻലാൽ സംവിധാനം ചെയ്യുന്ന അഞ്ചാമത്തെ ചിത്രം 'സ്വപ്‌നങ്ങൾ പൂക്കുന്ന കാടിന്റെ' ഫസ്റ്റ് ലുക്ക് പോസ്റ്ററും ട്രെയ്‌ലറും പുറത്തിറങ്ങി. ലോക പരിസ്ഥിതി ദിനത്തോട് അനുബന്ധിച്ച് മലയാള സിനിമാ സംവിധായകരുടെ സംഘടനയായ ഫെഫ്‍കയും വേൾഡ് മലയാളി കൗൺസിലുമാണ് ഫസ്റ്റ് ലുക്ക് പോസ്റ്റര്‍ റിലീസ് ചെയ്തത്. പരിസ്ഥിതി പ്രവർത്തകയും സോഷ്യൽ ആക്ടിവിസ്റ്റുമായ മേധാ പട്‍കർ ചിത്രത്തിൻ്റെ ട്രെയ്‌ലർ റിലീസ് ചെയ്തു.
മികച്ച പരിസ്ഥിതി ചിത്രത്തിനുള്ള 21 പുരസ്‌കാരങ്ങൾ നേടി അന്താരാഷ്‍ട്ര ചലച്ചിത്ര മേളകളിൽ ശ്രദ്ധേയമായ ചിത്രമാണ് 'സ്വപ്‌നങ്ങൾ പൂക്കുന്ന കാട് . മലയാളത്തിലെ ആദ്യ ചിൽഡ്രൻസ് ഫിലിം ട്രിലജിയുടെ അവസാന ഭാഗമാണ് ചിത്രം.ഇന്ത്യയിലെ പതിനേഴു സംസ്ഥാനങ്ങളിലൂടെ യാത്ര ചെയ്ത് ചിത്രീകരിച്ച 'ഗ്രേറ്റ് ഇന്ത്യൻ റോഡ് മൂവിയാണ്' ചലചിത്രത്രയത്തിലെ ഒന്നാം ഭാഗം. 'അപ്പുവിന്റെ സത്യാന്വേഷണമാണ്' രണ്ടാം ഭാഗം. ഓർക്കുക വല്ലപ്പോഴും', 'കഥവീട്, 'ഗ്രേറ്റ് ഇന്ത്യൻ റോഡ് മൂവി', 'അപ്പുവിന്റെ സത്യാന്വേഷണം' എന്നീ സിനിമകളിലൂടെ ശ്രദ്ധേയനായ സംവിധായകനാണ് സോഹൻലാൽ
