നിങ്ങളില്‍ നിന്നല്ല, നിങ്ങളിലൂടെയാണ് കുട്ടികള്‍ വരുന്നത് ; മകളെക്കുറിച്ച് പ്രിയങ്ക ചോപ്ര
നവജാതശിശുവിനെക്കുറിച്ച് തുറന്ന് സംസാരിച്ച് ബോളിവുഡ് താരം പ്രിയങ്ക ചോപ്ര. ഒരു പുതിയ രക്ഷിതാവെന്ന നിലയില്‍ നേരിടേണ്ടിവരുന്ന വെല്ലുവിളികളെക്കുറിച്ചും അവര്‍ സംസാരിച്ചു.
കനേഡിയന്‍ ഹാസ്യനടനും മുന്‍ ടോക്ക് ഷോ അവതാരകയുമായ ലില്ലി സിംഗുമായുള്ള അഭിമുഖത്തില്‍, മാതാപിതാക്കളെക്കുറിച്ചുള്ള തന്റെ ചിന്തകളും താന്‍ എങ്ങനെയുള്ള രക്ഷിതാവാകാനാണ് ആഗ്രഹിക്കുന്നതെന്നും പ്രിയങ്ക തുറന്നുപറഞ്ഞു. ലില്ലിയുടെ ബി എ ട്രയാംഗിള്‍, ഹൗ ഐ വെന്റ് ബിയിംഗ് ലോസ്റ്റ് ടു ഗെറ്റിംഗ് മൈ ലൈഫ് ടു ഗെറ്റിംഗ് മൈ ലൈഫ് ടു ഷേപ്പ് എന്ന പുസ്തകത്തിന്റെ പ്രകാശന വേളയിലാണ് ലില്ലി താരവുമായി സംവദിച്ചത്. .
നിങ്ങളില്‍ നിന്നല്ല, നിങ്ങളിലൂടെയാണ് കുട്ടികള്‍ വരുന്നത് എന്നാണ് താന്‍ എപ്പോഴും വിശ്വസിക്കുന്നതെന്ന് പ്രിയങ്ക ചോപ്ര പറഞ്ഞു. ഇത് എന്റെ കുട്ടിയാണ്, ഞാന്‍ എല്ലാം രൂപപ്പെടുത്തും എന്നൊരു വിശ്വാസമില്ലെന്നും പ്രിയങ്ക പറഞ്ഞു. സ്വന്തം ജീവിതം കണ്ടെത്തുന്നതിനും കെട്ടിപ്പടുക്കുന്നതിനുമാണ് കുട്ടികള്‍ മാതാപിതാക്കളിലൂടെ ലോകത്തിലേക്ക് വരുന്നതെന്നും മുന്‍ ലോകസുന്ദരി അഭിപ്രായപ്പെട്ടു. തന്റെ മാതാപിതാക്കള്‍ ഇതിനോട് ചേര്‍ന്നുനിന്നതില്‍ അവര്‍ നന്ദിയും അറിയിച്ചു.
ജനുവരിയില്‍, പ്രിയങ്കയും ഭര്‍ത്താവ് നിക്ക് ജോനാസും അവരുടെ നവജാതശിശുവിനെക്കുറിച്ചുള്ള വാര്‍ത്തകള്‍ അതത് ഇന്‍സ്റ്റാഗ്രാം ഹാന്‍ഡിലുകളില്‍ സ്ഥിരീകരിച്ചിരുന്നു. വാടക ഗര്‍ഭധാരണത്തിലൂടെ തങ്ങളുടെ ആദ്യ കുഞ്ഞിനെ സ്വാഗതം ചെയ്തുകൊണ്ട് നിക്കിന്റെയും പ്രിയങ്കയുടെയും ഔദ്യോഗിക പ്രസ്താവന ഇങ്ങനെയായിരുന്നു, 'ഞങ്ങള്‍ വാടക ഗര്‍ഭപാത്രത്തിലൂടെ ഒരു കുഞ്ഞിനെ സ്വീകരിച്ചുവെന്ന് സ്ഥിരീകരിക്കുന്നതില്‍ ഞങ്ങള്‍ക്ക് അതിയായ സന്തോഷമുണ്ട്. ഞങ്ങളുടെ കുടുംബത്തില്‍ ശ്രദ്ധ കേന്ദ്രീകരിക്കുന്ന ഈ പ്രത്യേക സമയത്ത് ഞങ്ങള്‍ സ്വകാര്യതയ്ക്കായി ബഹുമാനപൂര്‍വ്വം ആവശ്യപ്പെടുന്നു. വളരെ നന്ദി.' എന്നാല്‍ ഇവര്‍ കുഞ്ഞിന്റെ ചിത്രങ്ങള്‍ പങ്കുവെച്ചിട്ടില്ല. നേരത്തെ, പ്രിയങ്കയുടെ അമ്മ ഡോ മധു ചോപ്ര പാപ്പരാസികളോട് തന്റെ ചെറുമകള്‍ക്ക് ഇതുവരെ പേര് നല്‍കിയിട്ടില്ലെന്ന് പറഞ്ഞിരുന്നു.
ദ ഫാല്‍ക്കണ്‍, വിന്റര്‍ സോള്‍ജിയര്‍ സ്റ്റാര്‍ ആന്റണി മാക്കി എന്നിവയ്ക്കൊപ്പം എന്‍ഡിംഗ് തിംഗ്‌സ് എന്ന ആക്ഷന്‍ ചിത്രത്തിലാണ് പ്രിയങ്ക അടുത്തതായി അഭിനയിക്കുന്നത്. കെവിന്‍ സള്ളിവന്‍ രചനയും സംവിധാനവും നിര്‍വ്വഹിക്കുന്ന ഈ ചിത്രം 1994-ല്‍ സ്റ്റീവന്‍ സ്പില്‍ബര്‍ഗിന്റെ ആക്ഷന്‍-കോമഡി ട്രൂ ലൈസിന്റെ അതേ പ്രമേയത്തിലാണ്. ടെക്സ്റ്റ് ഫോര്‍ യു, വെബ് സീരീസായ സിറ്റാഡല്‍ എന്നിവയിലാണ് താരം അടുത്തതായി അഭിനയിക്കുന്നത്.
