Latest Updates

അടുത്തിടെ മലയാള ചലച്ചിത്രപ്രേമികളെ അല്‍പ്പമെങ്കിലും തൃപ്തിപ്പെടുത്തിയ ചിത്രമാണ് മധുരം. ജോജു ജോര്‍ജിനേയും ശ്രുതി രാമചന്ദ്രനേയും കേന്ദ്രകഥാപാത്രമാക്കി അഹമ്മദ് കബീറാണ് 'മധുരം' ഒരുക്കിയെടുത്തത്.  മികച്ച അഭിനയം കൊണ്ട് ജോജു ജോര്‍ജ് വീണ്ടും കയ്യടി നേടിയ ചിത്രം കൂടിയാണിത്. ഒട്ടേറെപ്പേര്‍ ഈ ചിത്രത്തില്‍ ജോജുവിന്റെ പ്രകടനത്തെ അഭിനന്ദിച്ചെത്തിയിരുന്നു.  ഇപ്പോള്‍ സാക്ഷാത് സംവിധദായകന്‍ ഭദ്രന്‍ തന്നെ ജോജുവിന് പ്രത്യേക അഭിനന്ദനമറിയിച്ചിരിക്കുന്നു.

നായികയോട് ജോജു കാണിക്കുന്ന പ്രണയഭാവങ്ങള്‍ ഒരു രക്ഷയുമില്ലാത്തതാണെന്നാണ് ഭദ്രന്‍ ചൂണ്ടിക്കാണിക്കുന്നത്.  ഫെയ്സ്ബുക്കിലൂടെയായിരുന്നു സംവിധായകന്റെ പ്രതികരണം ഭദ്രന്‍ ഫേസ്ബുക്കില്‍ കുറിച്ചത് ഇങ്ങനെ- 

ഇന്നലെ രാത്രി കാനഡയിലെ എന്റെ ഒരു സുഹൃത്ത് വിളിച്ച് ' മധുരം ' സിനിമ കണ്ടിരുന്നോ? കുറേ കാലങ്ങള്‍ക്ക് ശേഷം മലയാളത്തില്‍ സ്വാഭാവികതയുള്ള ഒരു നല്ല ചിത്രം കണ്ടു, അതിന്റെ സന്തോഷത്തിലാണ് ഞാന്‍ എന്ന് പറഞ്ഞു. ജോജു ജോര്‍ജിന്റെ പടമല്ലേ എന്ന് കരുതി ഇന്ന് എന്റെ വീട്ടിലെ തിയറ്ററില്‍ കണ്ട് ഇറങ്ങിയപ്പോള്‍ എനിക്കും എന്റെ ഭാര്യയ്ക്കും ഇരട്ടി മധുരം നാവില്‍ തൊട്ട സ്വാദ് പോലെ തോന്നി. ഒരാശുപത്രിയിലെ ബൈസ്റ്റാന്‍ഡേഴ്സിന്റെ പിറകില്‍ സ്വരുക്കൂട്ടിയെടുത്ത അര്‍ത്ഥവത്തായ ഒരു തിരക്കഥ. അവിടെ വരുന്നവരുടെ പ്രിയപ്പെട്ടവരെ ചൊല്ലിയുള്ള അങ്കലാപ്പുകളും കിനാവുകളും പ്രതീക്ഷകളും ഒക്കെ കൂട്ടി കൂട്ടി ഒരു നൂറു മാര്‍ക്കിന്റെ സിനിമ അഹമ്മദ് അഭിനന്ദനങ്ങള്‍. മേലിലും നിങ്ങളുടെ സിനിമകള്‍ക്ക് ഈ മധുരം ഉണ്ടാവട്ടെ. ജോജൂ... തന്റെ കണ്ണുകളും മുഖവും ശബ്ദവും ഗംഭീരമായി ഈ സിനിമയില്‍ ഉപയോഗിച്ചിരിക്കുന്നു. കുശിനിയിലെ മുട്ടിതടിയ്ക്ക് പിറകില്‍ നിന്ന് ഒരു മൊഴി പോലുമില്ലാതെ ചിത്രയോട് കാണിച്ച പ്രണയഭാവങ്ങള്‍ ഒരു രക്ഷയുമില്ല.ഇനിയും എടുത്ത് എടുത്ത് പറയേണ്ട സന്ദര്‍ഭങ്ങള്‍ നേരില്‍ കാണുമ്പോള്‍ പറയാം...

Get Newsletter

Advertisement

PREVIOUS Choice