പേടി സ്വപ്നങ്ങളും ദുസ്വപ്‌നങ്ങളും പാര്‍ക്കിന്‍സണ്‍സിന്റെ സൂചനയോ...
രാത്രിയില്‍ യാതൊരു തടസവുമില്ലാതെ ഉറങ്ങാന്‍ കഴിയുന്നവര്‍ ചുരുക്കമാണ്. ദുസ്വപ്‌നങ്ങള്‍ കാരണം ഉറക്കം നഷ്ടമാകുന്നവര്‍ ധാരാളമുണ്ട്. നമ്മുടെ മസ്തിഷ്‌കം സൃഷ്ടിക്കുന്ന ഈ വെര്‍ച്വല്‍ ലോകത്തെത്തുന്ന പേടിസ്വപ്നങ്ങള് വ്യക്തികളെ അസ്വസ്ഥരുമാക്കാം
അതേസമയം മോശം സ്വപ്നങ്ങളോ പേടിസ്വപ്നങ്ങളോ പാര്‍ക്കിന്‍സണ്‍സ് രോഗത്തിന്റെ തുടക്കത്തെ സൂചിപ്പിക്കുന്നതായി പഠനങ്ങള്‍ പറയുന്നു. ഒരു clinicalMedicine-ല്‍ പ്രസിദ്ധീകരിച്ച പുതിയ പഠനറിപ്പോര്‍ട്ട് പറയുന്നത് പലപ്പോഴും മോശം സ്വപ്നങ്ങള്‍ കാണുന്ന ഒരു കൂട്ടം പ്രായമായ പുരുഷന്മാരില്‍ പിന്നീട് പാര്‍ക്കിന്‍സണ്‍സ് രോഗനിര്‍ണയത്തിനുള്ള സാധ്യത കൂടുതലാണെന്നാണ്. പാര്‍ക്കിന്‍സണ്‍സ് ഇല്ലാത്തവരെ അപേക്ഷിച്ച് രോഗം ബാധിച്ച വ്യക്തികള്‍ക്ക് മറ്റ് മുതിര്‍ന്നവരേക്കാള്‍ പേടിസ്വപ്നങ്ങളും മോശം സ്വപ്നങ്ങളും അനുഭവപ്പെടുമെന്ന് മുന്‍ പഠനങ്ങള്‍ അവകാശപ്പെട്ടിട്ടുണ്ടെങ്കിലും, പാര്‍ക്കിന്‍സണ്‍സിന്റെ അപകട സൂചകമായി പേടിസ്വപ്നങ്ങള് കണക്കാക്കുന്നത് ഇതാദ്യമാണ്.
ഇത് ഏറ്റവും സാധാരണമായ ന്യൂറോ ഡിജെനറേറ്റീവ്, ചലന വൈകല്യങ്ങളില്‍ ഒന്നാണ്, പേശികളുടെ ചലനത്തിലുള്ള നിയന്ത്രണം നഷ്ടപ്പെടുന്ന അവസ്ഥയാണിത്. ഒരു കൈയില്‍ മാത്രം പ്രകടമായ വിറയലോടെയാണിത് ആരംഭിക്കുന്നത്. പിന്നീട് സംസാരം മൃദുവാകുകയോ മന്ദഗതിയിലാകുകയോ ചെയ്യും
പാര്‍ക്കിന്‍സണ്‍സ് രോഗം നേരത്തേ കണ്ടുപിടിക്കുന്നത് ശരിക്കും പ്രയോജനകരമാണെങ്കിലും, അപകടസാധ്യത സൂചകങ്ങള്‍ വളരെ കുറവാണ്, അവയില്‍ പലതിനും ചെലവേറിയ ആശുപത്രി പരിശോധനകള്‍ ആവശ്യമാണെന്നാണ് പഠനം നടത്തിയ യൂണിവേഴ്സിറ്റിയിലെ ഹ്യൂമന്‍ ബ്രെയിന്‍ ഹെല്‍ത്ത് കേന്ദ്രത്തിലെ പ്രധാന എഴുത്തുകാരനായ ഡോ. അബിഡെമി ഒതൈകു പറയുന്നത്.
മോശം സ്വപ്നങ്ങളുടെ പ്രാധാന്യം തിരിച്ചറിയുന്ന ഈ മേഖലയിലെ കൂടുതല്‍ ഗവേഷണം പാര്‍ക്കിന്‍സണ്‍സ് രോഗത്തിന്റെ സാധ്യത വിലയിരുത്താന്‍ സഹായിക്കുമെന്നാണ് കരുതുന്നത്.
