മായങ്ക് അഗര്‍വാള്‍ ഇനി പഞ്ചാബ് കിങ്സിനെ നയിക്കും
പഞ്ചാബ് കിങ്സിനെ ഇനി മായങ്ക് അഗര്‍വാള്‍ നയിക്കും. അര്‍ഷദീപ് സിങ്ങിനും ഹര്‍പ്രീത് ബ്രാറിനുമൊപ്പം പഞ്ചാബ് നിലനിര്‍ത്തിയ മൂന്ന് താരങ്ങളിലൊരാളാണ് അഗര്‍വാള്‍.
ആത്മാര്‍ഥതയോടെ ഈ ഉത്തരാവാദിത്വം ഞാന്‍ ഏറ്റെടുക്കുകയാണ്. അതേസമയം തന്നെ ടീമലെ കഴിവുറ്റ താരങ്ങളാല്‍ എന്റെ ജോലി കൂടുതല്‍ എളുപ്പമാകുമെന്നാണ് ഞാന്‍ വിശ്വസിക്കുന്നത്,” “2018 മുതല്‍ ഞാന്‍ പഞ്ചാബിന്റെ ഭാഗമാണ്. പഞ്ചാബിന് വേണ്ടി കളിക്കുക എന്നത് അഭിമാനം നല്‍കുന്ന ഒന്നാണ്. ടീമിനെ നയിക്കാനുള്ള അവസരം ലഭിച്ചതില്‍ സന്തോഷമുണ്ട്,” പഞ്ചാബ് പുറത്ത് വിട്ട പ്രസ്താവനയില്‍ അഗര്‍വാള്‍ കൂട്ടിച്ചേര്‍ത്തു.
2011 ലാണ് ഐപിഎല്‍ അരങ്ങേറ്റം കുറിച്ചത്. ഇന്ത്യക്കായി 19 ടെസ്റ്റ് മത്സരങ്ങളില്‍ നിന്ന് 1429 റണ്‍സാണ് അഗര്‍വാള്‍ നേടിയത്. നാല് സെഞ്ചുറികളും താരത്തിന്റെ പേരിലുണ്ട്. കഴിഞ്ഞ രണ്ട് സീസണുകളിലും 400 റണ്‍സിന് മുകളില്‍ താരം സ്കോര്‍ ചെയ്തിട്ടുണ്ട്.
മാര്‍ച്ച് 26 നാണ് ഐപിഎല്ലിന്റെ പുതിയ സീസണിന്റെ തുടക്കം. മുംബൈയിലും പൂനെയിലുമായി വിവിധ മൈതാനങ്ങളില്‍ വച്ചാണ് മത്സരം നടക്കുന്നത്. ഗുജറാത്ത് ടൈറ്റന്‍സ്, ലഖ്നൗ സൂപ്പര്‍ ജയന്റ്സ് എന്നീ രണ്ട് ടീമുകള്‍ കൂടി ടൂര്‍ണമെന്റിന്റെ ഭാഗമാണ്.
