അഗ്നിവീരൻമാരെ തെരഞ്ഞെടുക്കാൻ കരസേനയ്ക്ക് പിന്നാലെ വിജ്ഞാപനമിറക്കി വ്യോമസേനയും
അഗ്നിപഥ് പദ്ധതിയ്ക്കെതിരെ ശക്തമായ പ്രതിഷേധം തുടരുന്നതിനിടെ പദ്ധതിയിൽ നിന്ന് പിന്നോട്ടില്ലെന്ന നിലപാടിൽ കേന്ദ്രസർക്കാർ. അഗ്നിവീരൻമാർ ആകാൻ താത്പര്യമുള്ളവരെ തെരഞ്ഞെടുക്കാനായി കരസേനയ്ക്ക് പിന്നാലെ വ്യോമസേനയും വിജ്ഞാപനമിറക്കി. വ്യോമസേനയിലേയ്ക്ക് അപേക്ഷ നൽകാനുള്ള അവസാന തീയതി ജൂലൈ 5 ആണ്.
അപേക്ഷകർക്ക് ഓൺലൈനായി ഈ മാസം 24 മുതൽ അപേക്ഷകൾ സമർപ്പിക്കാം. ഓൺലൈൻ പരീക്ഷ അടുത്ത മാസം 24ന് നടക്കും. ഓൺലൈനായി മാത്രമാണ് അപേക്ഷകൾ സമർപ്പിക്കേണ്ടത്. കൂടുതൽ വിശദാംശങ്ങൾ വ്യോമസേനയുടെ വെബ് സൈറ്റുകളിൽ ലഭിക്കും. indianairforce.nic.in, agnipathvayu.cdac.in
കരസേനയുടെ റിക്രൂട്ട്‌മെന്റ് റാലികൾ ഓഗസ്റ്റിൽ ആരംഭിക്കും. ഓൺലൈൻ റജിസ്‌ട്രേഷൻ അടുത്ത മാസമാദ്യവും തുടങ്ങും. നാവികസേനയും വരും ദിവസങ്ങളിൽ വിജ്ഞാപനമിറക്കും. ഇതോടെ സേനകളിൽ ഓഫിസർ റാങ്കിനു താഴെയുള്ള നിയമനങ്ങൾ പൂർണമായി അഗ്‌നിപഥിലേക്കു മാറും. ഇരുപത്തിയഞ്ച് ശതമാനം പേർക്ക് നാല് വർഷത്തെ സേവനത്തിന് ശേഷം 15 വർഷം കൂടി തുടരാൻ അവസരം ലഭിക്കുമെന്ന് കരസേന പുറത്തിറക്കിയ 19 പേജുള്ള വിജ്ഞാപനത്തിൽ പറയുന്നുണ്ട്.
തെരഞ്ഞെടുക്കപ്പെടുന്നവരെ നാല് വർഷത്തെ സേവനം പൂർത്തിയാക്കിയ ശേഷം , മറ്റ് മേഖലകളിൽ തൊഴിൽ തേടുന്നതിന് പ്രാപ്തരാക്കുന്നതിന് അഗ്നിവീറിന് ‘സേവാ നിധി’ പാക്കേജ് നൽകും. സേവനം പൂർത്തിയാക്കിയ അഗ്നിവീരിന് റെഗുലർ കേഡറിൽ എൻറോൾമെന്റിനായി അപേക്ഷിക്കാനുള്ള അവസരം നൽകും. ഈ അപേക്ഷകൾ സൈന്യം അവരുടെ പ്രകടനം ഉൾപ്പെടെയുള്ള വസ്തുനിഷ്ഠമായ മാനദണ്ഡങ്ങളെ അടിസ്ഥാനമാക്കിയായിരിക്കും പരിഗണിക്കുന്നത്. ഓരോ നിർദ്ദിഷ്ട ബാച്ചിലെയും അഗ്നിവീറിന്റെ 25% ത്തിനെ മാത്രമായിരിക്കും ആർമിയുടെ റെഗുലർ കേഡറിലേക്ക് പരിഗണിക്കുന്നത്. അങ്ങനെ റെഗുലർ കേഡറായി എൻറോൾ ചെയ്ത അഗ്നിവീർ 15 വർഷത്തേക്ക് സേവനമനുഷ്ഠിക്കേണ്ടതുണ്ട്,
നിലവിലുള്ള (കാലാകാലങ്ങളിൽ ഭേദഗതി ചെയ്യുന്ന പ്രകാരം) സേവന നിബന്ധനകളും വ്യവസ്ഥകളും (ഐഎയിലെ ജൂനിയർ കമ്മീഷൻഡ് ഓഫീസർമാരുടെ/ഐഎയിലെ മറ്റ് റാങ്കുകളുടെ) അനുസരിച്ചായിരിക്കും അത് നിയന്ത്രിക്കപ്പെടുക. ). അഗ്നിവീർ റിക്രൂട്ട്‌മെന്റ്: യോഗ്യതാ മാനദണ്ഡം അഗ്നിവീർ റിക്രൂട്ട്‌മെന്റിന്റെ ആറ് വിഭാഗങ്ങൾക്ക് പ്രത്യേക യോഗ്യതാ മാനദണ്ഡങ്ങൾ സൈന്യം നിർവചിച്ചിട്ടുണ്ട്. ആറ് വിഭാഗങ്ങളിലേക്കും അപേക്ഷിക്കാനുള്ള കുറഞ്ഞ പ്രായം 17.5 വയസ്സും ഉയർന്ന പ്രായപരിധി 23 വയസ്സുമാണ്. 2022-23 റിക്രൂട്ട്‌മെന്റ് വർഷത്തേക്കുള്ള ഒറ്റത്തവണ മാനദണ്ഡമെന്ന നിലയിൽ ഉയർന്ന പ്രായപരിധി 21 വയസിൽ നിന്ന് 23 വർഷമായി ഇളവ് ചെയ്തിട്ടുണ്ട്.
