കുറ്റിക്കാടുകള് കത്തിക്കില്ല; പുതിയ സാധ്യതയിലേക്ക് കര്ഷകര്
പരിസ്ഥിതിയെ സംരക്ഷിക്കുന്നതിനായി കുറ്റിക്കാടുകള് കത്തിക്കുന്നത് പൂര്ണ്ണമായും ഉപേക്ഷിച്ച് കര്ഷകര്. ഉത്തര്പ്രദേശിലെ 11 ജില്ലകളിലായി ഏകദേശം രണ്ട് ഡസനോളം കാലാനമക് കൃഷി ചെയ്യുന്ന കര്ഷകരാണ് പുതിയ സന്ദേശം നല്കുന്നത്. കൂണ് വളര്ത്താന് കുറ്റിക്കാടുകള് എങ്ങനെ ഉപയോഗിക്കാമെന്ന സാങ്കേതികത ഈ കര്ഷകര് നേടിയിട്ടുണ്ട്, അതിനുശേഷം അവ സ്വാഭാവികമായി കമ്പോസ്റ്റായി വിഘടിക്കുന്നതിനാല് കത്തിക്കേണ്ട ആവശ്യമില്ലെന്ന് ഇവര്ക്കറിയാം .
രണ്ട് യുവസംരംഭകരായ രോഹന് ഗാര്ഗും അനന്ത് കപൂറുമാണ് 22 കര്ഷകര്ക്ക് കൃഷിയിടങ്ങളില് നിന്ന് 3 അടി പ്ലാസ്റ്റിക് ബാഗില് ശേഖരിക്കുന്ന കുറ്റിക്കാടുകളില് കൂണ് വളര്ത്താന് പരിശീലനം നല്കുന്നത്. 21-22 ദിവസങ്ങള്കൊണ്ടാണ്് ്പരിശീലനം പൂര്ത്തിയാകുന്നത്. ഈ 22 കര്ഷകരുടെ 20 ഏക്കറിലധികം ഭൂമിയാണ് ഈ സാധ്യത പ്രയോജനപ്പെടുത്തുന്നത്.
രോഹന് ഗാര്ഗ് പറയുന്നു: 'ലഖ്നൗവിലെയും മറ്റ് ഉത്തര്പ്രദേശ് നഗരങ്ങളിലെയും മോശം വായുവിന്റെ ഗുണനിലവാരത്തെക്കുറിച്ച് ഞങ്ങള് ആശങ്കാകുലരായിരുന്നു, അതിന്റെ പിന്നിലെ പ്രധാന കാരണങ്ങളിലൊന്ന് വൈക്കോല് കത്തിക്കലാണെന്ന് വ്യക്തമായി. ഈ പ്രശ്നം കൈകാര്യം ചെയ്യാന് ചില സാങ്കേതിക വിദ്യകള് തേടാന് ഞാനും സുഹൃത്തും തീരുമാനിച്ചു. അങ്ങനെ നമുക്ക് ശുദ്ധവായു ശ്വസിക്കാന് കഴിയും. നൂറുകണക്കിന് ഗവേഷണ പ്രബന്ധങ്ങള് വായിച്ചതിനുശേഷം, യുകെയിലും ഓസ്ട്രേലിയയിലും ലോകത്തിന്റെ മറ്റു പല ഭാഗങ്ങളിലും മുത്തുച്ചിപ്പി കൂണ് വളര്ത്താന് കുറ്റിക്കാടുകള് ഉപയോഗിക്കുന്നുണ്ടെന്ന് ഞങ്ങള് കണ്ടെത്തി.
ഇവര് ഒരു ഫാമില് നിന്ന് വൈക്കോല് കൊണ്ടുവന്ന് ഫോര്മാലിന്, കാല്സ്യം കാര്ബണേറ്റ് എന്നീ രണ്ട് രാസ സംയുക്തങ്ങള് ഉപയോഗിച്ച് അണുവിമുക്തമാക്കി, മഷ്റൂം സ്പോണ് നട്ടുപിടിപ്പിച്ചു സൂക്ഷിച്ചു. അത് ഒരു ഇരുണ്ട മുറിയിലാക്കി 21 ദിവസത്തിന് ശേഷം, കൂണ് വിജയകരമായി വളരുന്നതായി കണ്ടെത്തി. വിജയകരമായ പരീക്ഷണത്തിന് ശേഷം, ഇരുവരും മഹാരാജ്ഗഞ്ച് ജില്ലയിലെ സിസ്വാ ബസാര് സന്ദര്ശിക്കുകയും ഏഴ് കാലാനമക് നെല്കൃഷി ചെയ്യുന്ന കര്ഷകരെ ഈ വിദ്യ പരീക്ഷിക്കാന് പ്രേരിപ്പിക്കുകയും, അതിനായി അവര് അവര്ക്ക് 3 അടി പ്ലാസ്റ്റിക് ബാഗുകള് നല്കി, അതില് അവര് കുറ്റിക്കാടുകള് ശേഖരിക്കുകയും ചെയ്തു. തുടര്ന്ന് രണ്ട് രാസവസ്തുക്കള് ചേര്ത്ത് ഇരുട്ട് മുറിയിലാക്കി കൂണ് കൃഷി വിജയകരമായി തുടങ്ങുകയായിരുന്നു. കൂണ്കൃഷിക്ക് പരിശീലനം നല്കുക മാത്രമല്ല കൂണ് വില്ക്കാന് ഈ ചെറുപ്പക്കാര് കര്ഷകരെ സഹായിക്കുകയും ചെയ്യുന്നുണ്ട്. ഇ-കൊമേഴ്സ് വെബ്സൈറ്റ വഴിയാണ്് വില്പ്പന.
സെപ്തംബര് മുതല് ഏപ്രില് വരെ എളുപ്പത്തില് വളര്ത്താവുന്ന മുത്തുച്ചിപ്പി കൂണിനെ 'ശുദ്ധവായുവിനുള്ള കൂണ്' എന്നാണ് വിശേഷിപ്പിക്കുന്നത്. മെയ് മുതല് ഒക്ടോബര് വരെ ഉയര്ന്ന താപനിലയില് വളര്ത്താവുന്ന കുറ്റിക്കാടുകളില് പാല് കൂണ് കൃഷി ചെയ്യുന്നതിനുള്ള സാധ്യതയെക്കുറിച്ച് രോഹനും അനന്തും ഇപ്പോള് ഗവേഷണം നടത്തുകയാണ്.