കിടിലന്‍ ചെമ്മീന്‍ മപ്പാസ് തയ്യാറാക്കിയാലോ?
1.ചെമ്മീൻ – അരക്കിലോ
2.വെള്ളം – ഒരു കപ്പ്
ഉപ്പ് – പാകത്തിന്
3.ചുവന്നുള്ളി – നാല്
മല്ലിപ്പൊടി – രണ്ടു ചെറിയ സ്പൂൺ
മുളകുപൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
കുരുമുളകുപൊടി – കാൽ ചെറിയ സ്പൂൺ
4.എണ്ണ – കാൽ കപ്പ്
5.കടുക് – അര ചെറിയ സ്പൂൺ
6.ഉലുവ – ഒരു നുള്ള്
സവാള നീളത്തിൽ അരിഞ്ഞത് – ഒരു കപ്പ്
ഇഞ്ചി തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – ഒരു ചെറിയ സ്പൂൺ
വെളുത്തുള്ളി – 12 അല്ലി, അരിഞ്ഞത്
പച്ചമുളക് – മൂന്ന്, അറ്റം പിളർന്നത്
കറിവേപ്പില – മൂന്നിതൾ
7.കുടംപുളി – നാലു ചുള, വെള്ളത്തിൽ കുതിർത്തത്
8.തേങ്ങ പിഴിഞ്ഞെടുത്ത രണ്ടാംപാൽ – രണ്ടു കപ്പ്
9.തേങ്ങ പിഴിഞ്ഞെടുത്ത ഒന്നാംപാൽ – അരക്കപ്പ്
പാകം ചെയ്യുന്ന വിധം
∙ചെമ്മീൻ വൃത്തിയാക്കി, ഉപ്പും വെള്ളവും ചേർത്തു വേവിച്ചു വറ്റിച്ചു വയ്ക്കണം.
∙ചുവന്നുള്ളി, മല്ലിപ്പൊടി, മുളകുപൊടി എന്നിവ യോജിപ്പിച്ചു മയത്തിൽ അരയ്ക്കുക.
∙എണ്ണ ചൂടാക്കി കടുകു മൂപ്പിച്ചശേഷം ആറാമത്തെ ചേരുവ ചേർത്തിളക്കി വഴറ്റുക. സവാള ഗോൾഡൻ നിറമാകുമ്പോൾ അരച്ചു വച്ചിരിക്കുന്ന കൂട്ടു ചേർത്തു വഴറ്റണം.
∙മസാല മൂത്തമണം വരുമ്പോൾ കുടംപുളി ചേർത്തിളക്കി രണ്ടാംപാൽ ചേർത്തു ചെറുതീയിൽ തിളപ്പിക്കുക.
∙തിളച്ച കൂട്ടിലേക്ക് ചെമ്മീൻ കോരിയിട്ട് പാകത്തിനുപ്പും ചേർത്തു വേവിച്ചു ഗ്രേവി കുറുകി വരുമ്പോൾ ഒന്നാം പാൽ ചേർത്തിളക്കി വാങ്ങി ചൂടോടെ വിളമ്പുക.
