Latest Updates

പനീർ റോൾസ്

1.റൊട്ടി – ഒരു സ്ലൈസ്

2.പനീർ – 150 ഗ്രാം

ഉരുളക്കിഴങ്ങു പുഴുങ്ങിപ്പൊടിച്ചത് – 150 ഗ്രാം

മല്ലിയില പൊടിയായി അരിഞ്ഞത് – ഒരു വലിയ സ്പൂൺ

പച്ചമുളക് പൊടിയായി അരിഞ്ഞത് – ഒരു വലിയ സ്പൂൺ

സവാള പൊടിയായി അരിഞ്ഞത് – അരക്കപ്പ്

ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ

കാരറ്റ് പൊടിയായി അരിഞ്ഞത് – കാൽ കപ്പ്

ഉപ്പ് – പാകത്തിന്

3.മുട്ട – ഒന്ന്, അടിച്ചത്

4.റൊട്ടിപ്പൊടി – രണ്ടു കപ്പ്

5.എണ്ണ – വറുക്കാൻ ആവശ്യത്തിന്

പാകം ചെയ്യുന്ന വിധം

∙റൊട്ടി അൽപം വെള്ളത്തിൽ മുക്കിപ്പിഴിഞ്ഞെടുക്കമം.

∙ഇതിൽ രണ്ടാമത്തെ ചേരുവ ചേർത്തു നന്നായി കുഴച്ചു യോജിപ്പിക്കുക. ഇതു സോസേജിന്റെ ആകൃതിയിൽ നീളത്തിൽ ഉരുട്ടണം.

∙ഓരോന്നും മുട്ട അടിച്ചതിൽ മുക്കി റൊട്ടിപ്പൊടിയിൽ പൊതിഞ്ഞു ചൂടായ എണ്ണയിൽ വറുത്തു കോരുക.

∙ചൂടോടെ ടുമാറ്റോ സോസിനൊപ്പം വിളമ്പാം.

∙മുട്ടയ്ക്കു പകരം മൈദ അൽപം വെള്ളത്തിൽ കലക്കിയതും ഉപയോഗിക്കാം.

∙ഏകദേശം 30 ചെറിയ റോളുകൾ തയാറാക്കാം.

Get Newsletter

Advertisement

PREVIOUS Choice